Grænni skógar II - Skógastígar - lagning og notagildi (13.09.2011)

Á næsta grænni skóga námskeiði verður fjallað um skógarstíga - lagningu þeirra og notagildi. Námskeiðið verður haldið 21. og 22 okt. á Eyjafjarðarsvæðinu, nánari staðsetning verður auglýst síðar. Leiðbeinendur verða Björgvin Eggertsson og Bergsveinn Þórsson. Fjallað verður um mikilvægi vega/slóða í nytjaskógrækt og aðferðir við lagningu þeirra. Þá er farið yfir helstu aðferðir og tæki sem notuð eru við að ná viðnum úr skógi og hvernig vegir nýtast við eldvarnir.

Skógarkvöld félags skógarbænda (28.06.2010)

Félag skógarbænda á Norðurlandi stendur fyrir skógarkvöldi í ár líkt og undanfarin ár. Í ár verður Reykhúsaskógur í Eyjafirði, hjá skógarbændunum Páli og Önnu heimsóttur þann 22. júlí kl. 20. Reykhús er norðan þéttbýliskjarnans við Kristnes og í beinu framhaldi af Kristnesskógi. Safnast verður saman við Reykhús og farið í gögnuferð um skóginn undir leiðsögn Páls og Önnu, á eftir verður boðið upp á ketilkaffi og með því að hætti skógarmanna. Skógarbændur og aðrir áhugamenn um skógrækt eru hvattir til að fjölmenna.

Loka námskeið Grænni skóga (03.06.2010)

Um helgina verður loka námskeiðið í námskeiðaröðinni Grænni skógar I sem fór af stað árið 2007. Um 25 skógarbændur munu útskrifast af námskeiðinu. Á þessu þriggja ára tímabili hafa verið haldin 15 helgarnámskeið, auk þess sem farin var námsferð til Skotlands. Þetta er annar hópurinn hjá Norðurlandsskógum sem klárar Grænni skóga I, annar hópur útskrifaðist árið 2005. Stefnt er að framhaldi, Grænni skógum II á næsta ári. (VJ)

Athugið að framlög verða ekki greidd fyrr en framkvæmdaskráningar hafa borist okkur.

Skógardagurinn mikli 2008! (16.6.2008)

Laugardaginn 21.júní næstkomandi verður haldið upp á afmæli bændaskógræktar á Héraði með stórhátíðinni "Skógardagurinn mikli".

Í boði verður fjölbreytt og skemmtileg dagskrá fyrir alla fjölskylduna og frítt inn á svæðið.

1.tölublað ársins af "Við skógareigendur" komið út (24.5.2008)

Áhugasamir hafi samband við Félag skógarbænda á Norðurlandi

Landssamtök skógareigenda hafa opnað nýja heimsíðu á slóðinni: www.skogarbaendur.net .

Á henni er kynning á félaginu og landshlutabundnu aðildarfélögunum, ásamt myndum og fréttum af starfinu.

Þar kemur m.a. fram að félagið er búið að ráða sér framkvæmdastjóra til áramóta sem er Björn B Jónsson.

Grænni skógar: Framleiðsla og gróðursetninng skógarplantna 2.-3.apríl (30.4.2008)

Námskeiðið verður haldið á Hótel KEA á Akureyri og hefst föstudaginn 2.maí kl 16:00 og stendur til 19:00, laugardaginn 3.maí verður kennt frá 9:00-16:00.

Á námskeiðinu verða helstu fjölgunaraðferðir plantna kynntar og farið ítarlega í gegnum ferlið við fjölgun og uppeldi skógarplantna. Einnig verður fjallað um meðhöndlun plantna, gróðursetningartíma og -aðferðir.

Leiðbeinendur verða Hrefna Jóhannesdóttir, Rakel Jónsdóttir og Valgerður Jónsdóttir.

Aðalfundur landssamtaka skógareigenda (18.3.2008)

Frá Félagi skógarbænda á Norðurlandi(28.11.2007)

Félag skógarbænda á Norðurlandi auglýsir eftir hugmyndum að kennimerki (logo) fyrir félagið. Stjórn félagsins mun svo velja úr innsendum hugmyndum og láta fagmenn fullvinna kennimerkið .

Tillögum skal skila til formanns félagsins, Álfhildar Ólafsdóttur, Kringlumýri 4, 600 Akureyri, eða á netfangið alfhildur1@simnet.is

Á næstu dögum munu skógarbændur fá bréf þar sem nýr samningur verður kynntur. Skógarbændur í Þingeyjarsýslum fengu sent slíkt bréf í vor.
Þeir skógarbændur sem óska eftir að gera nýjan samning eru beðnir að fylla út eyðublað sem fylgir bréfinu og senda til okkar sem fyrst. Einnig er hægt að senda inn beiðni um endurnýjun í gegn um heimasíðuna okkar undir tenglinum endurnýjun samninga. Við munum í framhaldinu útbúa nýjan samning og senda til undirritunnar.

Grænni skógar 1 (10.10.2007)

Næsta námskeið Grænni skóga 1 verður haldið 19.-20.október í Ljósheimum í Skagafirði.

Á föstudeginum 19. verður kennt klukkan 16-19 og á laugardeginum 20. kl. 9-16.

Fjallað verður um undirbúning lands til skógræktar. Fjallað um mismunandi landgerðir, helstu eiginleika þeirra og undirbúning skógræktar eftir aðstæðum. Kynntir verða mismunandi þættir í undirbúningi lands fyrir skógrækt, s.s. uppgræðsla, áburðargjöf, jarðvinnsla og slóðagerð.

Skil á framkvæmdaskráningablöðum(4.10.2007)

Síðasti skiladagur framkvæmdaskráninga vegna haustgróðursetningar er 6. okt. Við minnum á að það er mikilvægt að framkvæmdaskráningarnar séu vel út fylltar og berist okkur á réttum tíma svo hægt sé að gera upp við bændur. Einnig er mikilvægt að merkja inn á kort þá reiti sem gróðursett/framkvæmt var í .

Það er ekki síst hagur skógarbænda að framkvæmdaskráningin sé rétt þannig að þeir fái örugglega greitt það sem þeim ber og Norðurlandsskógar geti haldið utan um framkvæmdir og skráð inn í gagnagrunn sinn.

Athugið að framlög verða ekki greidd fyrr en framkvæmdaskráningar hafa borist okkur.

Aðalfundur Skógrækarfélags Íslands (15.8.2007)
Aðalfundur Skógræktarfélags Íslands árið 2007 verður haldinn á Egilsstöðum dagana 17.-19. ágúst og verður haldinn í Menntaskólanum á Egilsstöðum.

Fundurinn hefst kl. 10:00 föstudaginn 17. ágúst, en afhending fundargagna byrjar hálftíma fyrr.

Laugardaginn 18. ágúst hefst dagskráin kl. 9:30.

Um kvöldið er kvöldvaka í Menntaskólanum og hefst hún kl. 20:00.

Sunnudaginn 19. ágúst hefst dagskráin kl. 9:15.
Áætluð fundarlok eru um hádegið.

Nánar á heimasíður Skógræktarfélags Íslands

Aðalfundur Landssamtaka skógareigenda (15.8.2007)
Aðalfundur Landssambands skógareigenda 2007 verður haldinn í Grunnskólanum á Reykhólum á Barðaströnd 24. – 26. ágúst.
Þema fundarinns verður "Menntun skógarbænda, Grænni skógar"
Gistingu er hægt að fá á hóteli Bjarkarlundi sími 434-7762, Gistiheimilinu Álftalandi sími 434-7878 og í Bændagistingu Miðjanesi sími 434-7787 og 893-7787

Dagskrá:

Föstudagur 24. ágúst

Kl. 16.00 Setning aðalfundar LSE

Ávarp formanns LSE og skýrsla stjórnar lögð fram

Gjaldkeri leggur fram reikninga LSE

Umræður um skýrslu stjórnar og reikninga

Skipaðir formenn nefnda, mál lögð fram og vísað til nefnda

Kl. 18.00 Fræðsluerindi um Grænni skóga, Björgvin Eggertsson

Almennar umræður um Grænni skóga

Kl 19.00 Kvöldverður

Kl 20.00 Nefndarstörf

Laugardagur 25. ágúst

Kl. 9.00 Framhald nefndarstarfa

Kl. 10.00 Tillögur afgreiddar úr nefndum

Kl. 12.00 Hádegisverður

Kl. 13.00 Ávarp formanns LSE og gesta

Kl. 14.00 Kosningar

Önnur mál

Kl. 15.00 Aðalfundi slitið

Kl.15.30 Skoðunarferð í Hvalhaushólma.

Gengin verður Grétisstígur, komið verður við á Tittlingastöðum og þaðan fram í Hvalhaushólma.

Kl. 19.00 Árshátíð LSE í fundarsal

Sunnudagur 26. ágúst

Skoðunarferð á eigin bílum, farið í Jochumskóg og Teigsskóg. Leiðsögumenn Arnlín Óladóttir og Magnús Rafnsson.

Síðasti skiladagur framkvæmdaskráninga vegna vorgróðursetninga er 6. júlí. Við minnum á að það er mikilvægt að framkvæmdaskráningarnar séu vel út fylltar og berist okkur á réttum tíma svo hægt sé að gera upp við bændur. Einnig er mikilvægt að merkja inn á kort þá reiti sem gróðursett/framkvæmt var í .

Það er ekki síst hagur skógarbænda að framkvæmdaskráningin sé rétt þannig að þeir fái örugglega greitt það sem þeim ber og Norðurlandsskógar geti haldið utan um framkvæmdir og skráð inn í gagnagrunn sinn.

Athugið að aframlög verða ekki greidd fyrr en framkvæmdaskráningar hafa borist okkur.