|
 |
 |
| Hvað eru Norðurlandsskógar | |
| Norðurlandsskógar er landshlutabundið skógræktarverkefni sem hefur þann megintilgang að stuðla að skóg- og skjólbeltarækt á Norðurlandi. Norðurlandsskógar eru öflugt byggðaverkefni sem skapar auk þess nýja auðlind og eflir atvinnulíf í framtíðinni. Svæði Norðurlandsskóga nær frá Hrútafirði austur á Langanes. |
 |
| Hvernig skóg á að rækta | |
| Fjölbreytni verður eitt af megineinkennum Norðurlandsskóga, áhersla verður lögð á að blanda saman tegundum og skapa með því fjölbreytt vistkerfi. Þar sem skógræktarskilyrði eru hagstæðust verður leitast við að rækta timburskóga þar sem markmiðið verður að skapa auðlind sem getur orðið undirstaða fjölbreyttrar atvinnustarfsemi í framtíðinni. Á þeim svæðum sem skilyrði til ræktunar eru ekki eins góð verður í fyrstu ræktaður landbótaskógur sem hefur ekki viðarvöxt að aðalmarkmiði heldur aðrar skógarnytjar eins og uppgræðslu lands, skjól fuglalíf, útivist, ferðaþjónustu ofl. | |
| Skipulag | |
 |
Skipulagning er lykilorð markvissrar skógræktar. Skógræktaráætlun er gerð fyrir hverja jörð áður en framkvæmdir hefjast. Út frá gróðurfari og öðrum umhverfisþáttum er gerð tillaga að vali trjátegunda í skógræktarsvæðið. Áhersla er lögð á að skógurinn falli vel að landslagi, sé fjölbreyttur og aðlaðandi. Náttúruminjar, söguminjar og athyglisverðir staðir eru ekki klæddir skógi og gætt er að mörgum fleiri þáttum, svo sem fuglalífi, gróðurfari, berjalöndum og útsýni. |
| Skjólbeltarækt | |
| Áætlað er að rækta 10.000 km af skjólbeltum á næstu 40 árum. Skjólbeltin eru annars vegar hugsuð sem undanfari skógræktar og hins vegar til að auka uppskeru eða veita búfénaði og mannvirkjum skjól. Sérstök skjólbeltaáætlun er gerð fyrir hverja jörð þar sem net skjólbelta hefur mun meiri áhrif heldur en stök belti. |
 |
Fræðsla |
|
| Fagmenntað starfsfólk Norðurlandsskóga eru þátttakendum til ráðgjafar og gera skógræktar- og vinnu áætlun fyrir hverja jörð. Í hverri sýslu starfa svæðisstjórar sem heimsækja skógarbændur reglulega og veita leiðbeiningar. Norðurlandsskógar standa einnig fyrir fræðslunámskeiðum um skógrækt og tengd málefni fyrir þátttakendur verkefnisins.
|
|
| Framtíðaráform | |
| Til að byrja með er starfsáætlun Norðurlandsskóga til 40 ára. Á þeim tíma er markmiðið að klæða skógi allt að 5% láglendis undir 400 m.y.s. Til að þetta markmið náist þarf að græða upp eða gróðursetja í tæplega 2000 ha árlega. Verkefnið skapar þegar fjölda fólks atvinnu við skógrækt samhliða öðrum búskap og er unnið í nánu samstarfi við landeigendur á hverjum stað. |
|
 |
|